بيض الله وجهك ماقصرت كفيت ووفيت في المملكة و تويتر نسردها هنا:
اذا سعودي قال بيض الله وجهك، ترد: وجهك أبيض.
إذا طلبت من سعودي حاجة أو خدمة وقال لك: ابشر، ترد: تبشر بالجنة.
إذا ناديت عليه وقال لك: لبيه، ترد: لبيت حاج.
لما تزور سعودي ويقول لك: هلا، ترد: بالمهلي. وإذا قال السعودي لك: حياك الله، ترد: أبقاك الله.
إذا حاب لك البخور وقال لك تطيب، ترد: طيب الله فالك.
إذا صب لك سعودي فنجان قهوة وشربته وتبغى كمان تعطيه الفنجان وتسكت، وهو يصب لك مرة ثانية وانت اكتفيت: تهز الفنجان أو تقول له: تكرم وهو يحل عنك.
وقت العشا راح تسمع جمل كثيرة من السعودي مثل: ( اقلط على فالك) (سم على يسر الله) (حياك الله على واجبك)، فلا ترتبك، لان كلها تعني: تفضل، فتقوم تتفضل وتبدأ تاكل.
بعد العشا اذا قدم لك الشاي فلا تكرر فقرة هز فنجان القهوة) الشاي ما فيه هز تشرب كفايتك وتقول في الأخير: كُرمت.
وأنت خارج من العزومة عندك طريقتين: يا تقول: خلفنا عليكم طيب، يا إما تدعي لأهل البيت، والدعاء جزء مهم في الردود في الثقافة السعودية وممكن تستبدل كل ما سبق بالدعاء.
بعد ذما تشبع وتقوم من على السفرة لازم تقول لصاحب البيت وحدة من الجمل التالية: (أكرمكم الله)، ( جاد الله على من تكلف) (جاد الله على من جاد) (الخلف واليسر).. كما يمكنك ان تقول: شكراً أو سفرة دايمة، فكلها تعبر عن رضاك وشكرك.